Kamaru Usman "xo'p" degan ekan

Xamzat CHimaev shifoxonaga tushib qolganidan keyin avstraliyalik Robert Uittaker raqibsiz qolgandi. Qisqa muddatda UFC Robertga yangi raqib topib berdi. Jangga bir hafta qolganida CHimaevning o'rnini rossiyalik Ikram Aliskerov egalladi. 

Sobiq UFC chempioni Kamaru Usmanning menejeri Ali Abdel-Azizning aytishicha, uning mijoziga Xamzat CHimaevning o'rniga oktagonga chiqish taklif qilinmagan. Ali tarqalgan bu xabarlar noto'g'ri ekanini aytdi. 

"Kamaru Usman taklifga "ha" deb javob bergandi", - dedi Abdel-Aziz. 

Avvalroq, betob bo'lib qolgan "Borz"ning o'rnini egallash uchun taklif yuborilgan SHon Striklend va Kamaru Usmanning chorlovga rad javobini bergani aytilgandi. Natijada Ikram Aliskerov qisqa muddatli taklifni qabul qilgan edi.

Malumot uchun, o'rta vazn toifasida o'tkaziladigan Robert Uittaker - Ikram Aliskerov jangi UFC on ABC 6 turnirining markaziy to'qnashuvi bo'ladi. 22 iyun kungi ushbu oqshomning co-main event jangi esa og'ir vazn toifasida rossiyalik aralash yakkakurash ustalari Sergey Pavlovich va Aleksandr Volkov o'rtasida bo'lib o'tadi.

Yarimo'rta vaznda sobiq UFC chempioni Kamaru Usman o'tgan yilning oktyabr oyida Xamzat CHimaevga qarshi oktagonga chiqib, ochkolar hisobiga ko'ra imkoniyatni boy berib qo'ygandi.