Kambosos: "Lomachenko bilan jang Xeyniga qaraganda ahamiyatliroq edi"

Engil vazn toifasida mutlaq jahon chempioni Jorj Kambosos keyingi raqibini tanlash tafsilotlari haqida gapirdi. Avstraliyalik bokschining so'zlariga ko'ra, bu jangga ikki nomzod — Vasiliy Lomachenko va Devin Xeynini ko'rib chiqqan.

"Lomachenko va Xeyni birgalikda mening maqsadlarim sirasiga kirardi. Menda har doim Devin Xeyni yoki Vasiliy Lomachenko bilan shunday poziciya yuzaga kelgan. Biznes — bu biznes, shaxsiy ish emas. Men biror kishini boshqasidan afzal ko'rmadim. Imkonim bo'lganida, har ikkisi bilan bir kechada jang qilgan bo'lardim".

Kambosos Lomachenko bilan jang qilishni xohlaganini tan oldi.

"ESPN bilan bitim, Lu Dibella bilan kelishuv va uning so'rovlarini o'ylab ko'radigan bo'lsak, Lomachenko bilan jang yanada ahamiyatliroq edi. O'n yil davomida qattiq mehnat qildim, qiyin yo'lni tanladim, butun dunyoni ko'rdim. Kam pul ishlab topdim, umuman pul topmadim desam ham bo'ladi. Aksincha. boks cho'qqisiga chiqish uchun pul yo'qotdim".

SHuningdek, Jorj Teofimo Lopesni mag'lubiyatga uchratgani kelajagi uchun muhimligini takidladi.

"Diviziondagi eng yaxshi bokschini yutdim, tug'ilgan shahrida chempionlik kamarini tortib oldim. SHunday ekan, o'z so'rovimni berishga, buni o'zim hal qilishga loyiqman", - dedi Kambosos FightHype You Tube kanaliga bergan intervyusida.

Malumot o'rnida, Kambosos navbatdagi jangini Xeyniga qarshi o'tkazadi. Bokschilar iyun oyida jang qiladilar.