Kamonchilar o'rtasida “Mustaqillik kubogi”ning g'olib va sovrindorlari malum

Musobaqada 37 nafar ishtirokchi o'z omadini sinab ko'rdi. Bellashuvlar qizg'in bahslarga boy tarzda o'tdi. Merganlarimiz so'nggi 5 oyni karantin sharoitida o'tkazgan bo'lsalar ham, ular qayd etgan natija mutaxassislar tomonidan yuqori baholandi. Yakuniy natijalar bo'yicha erkaklar o'rtasida Abdulboriy Aloviddin, ayollar o'rtasida esa Kamola Yunusova birinchi o'rinni qo'lga kiritishdi. 

Erkaklar:
1. Abdulboriy Aloviddin (Toshkent)
2. Zokirjon G'ofurov (Farg'ona)
3. Yunus Sarmambetov (Toshkent)

Ayollar:
1. Kamola Yunusova (Toshkent)
2. Guljahon Toshmatova (Farg'ona)
3. Ziyodaxon Abdusattorova (Farg'ona)

Musobaqa so'ngida taqdirlash marosimi bo'lib o'tdi. Onlayn o'tgan mazkur marosimda O'zbekiston Milliy Olimpiya qo'mitasi Bosh kotibi Oybek Kasimov ZOOM platformasidan aloqaga chiqib, g'olib va sovrindorlarni chin dildan samimiy qutladi, musobaqa tashkilotchilari, sportchi va trenerlarga o'z tashakkurini izhor etdi.