Kamondan o'q otish. Gruziyadagi musobaqalarda muvaffaqiyatli ishtirok etdik

5-9 sentyabr kunlari Batumi shahri mezbonlik qilgan xalqaro turnirda jahonning sakkiz mamlakatidan merganlar ishtirok etishdi. Rossiya, Isroil, Ozarbayjon, Turkiya, Qozog'iston, Armaniston, Gruziya va O'zbekistondan 89 nafar sportchi sovrinli o'rinlar uchun kurash olib bordi.

Hamyurtlarimiz jamoaviy bahslarda birinchi o'rinni qo'lga kiritishdi. Yakkalik bellashuvlarida ishtirok etgan Zokirjon Gafurov esa uchinchi o'rinni egalladi.

14-19 sentyabr kunlari Xelvachauri ochiq turniri bo'lib o'tdi. To'rt mamlakat sportchilari qatnashgan turnirda Zokirjon Gafurov birinchi, Sardor Rustamov esa uchinchi o'rinni qo'lga kiritishdi. Jamoaviy musobaqalarda ham sportchilarimizga teng keladigan raqiblar topilmadi.