Kamondan otish bo'yicha JCH Olimpiadadan so'ng o'tkaziladi

Unga ko'ra, ushbu yilga mo'ljallangan jahon chempionati boshqa muddatga ko'chirilmaydigan bo'ldi. AQSHning Janubiy Dakota shtati Yankton shahri kelasi yil bo'lib o'tadigan dunyo birinchiligini qabul qiladi. 

Manbada takidlanishicha, JCH Tokio Olimpiadasidan so'ng 19-26 sentyabr kunlari bo'lib o'tishi belgilangan. SHu bilan birga kelasi yil uchun belgilangan Jahon kubogi bosqichlari ham odatiy tizimda o'tadi. Biroq yakuniy bosqich mezboni hali aniqlanmagan. Jahon kubogi bosqichlari muddati va mezbon shahri bilan tanishing:

1-bosqich: 19-25 aprel (Gvatemala);
2-bosqich: 17-23 may (SHanxay);
3-bosqich: 22-27 iyul (Parij);
Final: sentyabr-oktyabr.

SHuningdek, joriy yil Berlinda o'tishi lozim bo'lgan Tokio Olimpiadasiga yo'llanma beruvchi jahon kvalifikacion musobaqasi 2021 yilning 18-21 iyun sanalariga belgilandi. Yoshlar o'rtasidagi dunyo birinchiligiga esa 11-17 oktyabr kunlari Avstraliyaning Pert shahri mezbonlik qiladi. Para-atletlar o'rtasidagi JCHga mezbon qilib Dubay shahri tanlandi. Biroq muddat hali tasdiqlanmagan.

Eslatib o'tamiz, mazkur sport turi bo'yicha jahon chempionati 2 yilda bir marotaba o'tkaziladi. Tokio Olimpiadasining 2021 yilga surilishi munosabati bilan engil atletika, suv sporti turlari kabi yo'nalishlarda jahon chempionatlari 2022 yilga qoldirilgan edi.