Kanada terma jamoasi guruhda ikkita uchrashuvda g'alaba qozondi, biroq ularda hozircha 0 ochko. Qanday qilib?

Kanada tashkiliy qo'mitasining bir necha azolari, jumladan, bosh murabbiy ham o'yinlarda ishlashdan chetlatildi. Ular halol o'yin qoidalarini buzganlikda ayblandi

Aniqlanishicha, 22 iyul kuni jamoa xodimi Kanadaning bo'lajak raqibi Yangi Zelandiya ayollar milliy jamoasi mashg'ulot o'tkazayotgan maydon atrofida dron uchirib, ularni xufyona kuzatgan.

Franciya rasmiylari dronni Kanada jamoasi tahlilchisi Joi Lombard uchirganini aniqlagan. Oqibatda, u va yordamchi murabbiy Jasmin Mander o'yinlardan chetlatildi. Franciya prokuraturasi dron operatorini hibsga oldi. U aybiga iqror bo'lgan va 8 oylik shartli qamoq jazosiga hukm qilingan.

Bosh murabbiy Beverli Pristman yangi zelandiyaliklarga qarshi o'yinda jamoani boshqarmaslikka qaror qildi va keyinroq Kanada MOQ tomonidan Olimpiya o'yinlarining qolgan qismiga diskvalifikaciya qilindi. Murabbiyning o'zi, birinchi xabarlardan so'ng, yordamchilarining nomaqbul xatti-harakatlari haqida bilmasligini aytdi.

Kanada Yangi Zelandiya ustidan 2:1 hisobida g'alaba qozondi. SHundan so'ng, FIFA undan 6 ochkoni olib tashladi.

Lombardi, Pristman va Mander FIFA tomonidan 12 oyga diskvalifikaciya qilindi, Kanada futbol federaciyasi ham 225 ming dollar jarimaga tortildi.

Malumot uchun, Kanada terma jamoasi guruhdagi har ikki uchrashuvda g'alaba qozongandi. Bugun ular Kolumbiyaga qarshi bahs olib boradi.