29 noy 10:32
Yangiliklar

Tennis

Kanadadan ustun kelgan Qozog'iston "Devis Kubogi" 1/4 finalida

Tennis bo'yicha Qozog'iston terma jamoasi norasmiy jahon chempionati hisoblangan "Devis Kubogi"ning 1/4 final ishtirokchisiga aylandi.

Yon qo'shnilarimiz guruh bosqichining so'nggi uchrashuvida Kanada terma jamoasini 3:0 hisobida mag'lub etishdi. Avvaliga Mixail Kukushkin Breyden SHnurdan ustun keldi - 6/3, 6/7(5), 7/5.

Keyin esa Aleksandr Bublik Vashek Pospishilni 6/2, 7/6(6) hisobida engib, Qozog'iston terma jamoasiga muddatidan avval umumiy g'alabani taqdim etdi.

Hech narsani hal qilmaydigan juftliklar bahsida ham Andrey Golubev va Aleksandr Nedovesov raqiblari Piter Polanski va Breyden SHnurni mag'lubiyatga uchratishdi - 6/4, 6/7(6), 6/1.