Karlsen - Karyakin. Nihoyat, duranglar seriyasi buzildi, jahon chempioni yutqazdi

Bizning vaqt bilan bugun tong saharda amaldagi jahon chempioni norvegiyalik Magnus Karlsen hamda davogar rossiyalik Sergey Karyakin o'rtasidagi sakkizinchi tur uchrashuvi bo'lib o'tdi.

Dastlabki ettita o'yinda durang qayd etilgandi. Nihoyat, sakkizinchi turga kelib, sukunat buzildi. Qora donalarda o'ynashiga qaramay, davogar Sergey Karyakin amaldagi jahon chempionini mag'lubiyatga uchratdi.

Karlsen 51-yurishdan so'ng o'z mag'lubiyatini tan oldi. Bugun shaxmatchilar dam olishadi. Ertaga esa to'qqizinchi partiya uchrashuvi o'tkaziladi.

Malumot uchun, grossmeysterlar o'zaro 12ta partiyada dona surishadi. Agar yakunda durang natija qayd etilsa, 30 noyabr kuni hal qiluvchi tay-breyk uchrashuvi o'tkaziladi.

JAHON CHEMPIONLIGI UCHUN MATCH

Nyu-York, AQSH. 8-partiya

Magnus Karlsen (Norvegiya) – Sergey Karyakin (Rossiya) – 0:1

Umumiy hisob – 3,5:4,5