Kasim-Jomart Tokaev qozoq sportidagi legioner masalasiga o'z munosabatini bildirdi

Tokaev mamlakat professional sporti uchun legionerlar xizmatidan foydalanmaslikka chaqirdi. Prezident asosiy etiborni bolalar-o'smirlar sport maktablariga qaratish, olimpiya zaxirasini tayyorlash, ularning faoliyatini tizimli ravishda yo'lga qo'yish  kerakligiga urg'u qaratdi. 

— Bizda 500 dan ziyod bolalar-o'smirlar sport maktablari bor. Lekin ularning foydali koeficenti juda past. Olimpiya zaxiralarini tayyorlashda oqsayapmiz. Bu esa natijalarning yomonlashishiga sabab bo'lyapti. Byudjetdan ajratilayotgan mablag' talon-taroj qilinmoqda. Afsuski, iqtidorli murabbiylar xorijga ketib qolyapti. Ular tarbiyalayotgan boshqa davlat sportchilari qisqa fursatda yaxshi natijalarga erishmoqda. Masalan, Parij-2024 Olimpiadasining taekvondo bahslarida Tunis terma jamoasining ikki vakili shohsupaga ko'tarildi, ulardan biri Olimpiada chempioni bo'ldi. Bu terma jamoani Olimpiya o'yinlariga qozog'istonlik murabbiy Esbol Sultanov tayyorlagandi. Legioner sportchilar uzoq yillik muvaffaqiyatni taminlamaydi. Ular kelib ketadigan odamlar. Bizga o'zimizning kadrlar kerak", — dedi Tokaev.