Kasper Ruud: "Nevaralarimga Nadal bilan "Rolan Garros" finalida o'ynaganimni aytib beraman"

Kasper Ruud "Rolan Garros"ning qaysi finali ko'proq yoqqani haqida gapirdi - 2013 yilda tribunadan Rafael Nadalga muxlislik qilganimi yoki unga 3/6, 3/6, 0/6 hisobida mag'lub bo'lgani.

"Menga ikkalasi ham yoqdi, lekin, albatta, Nadalga qarshi o'ynash yoqimli. Bu lahzani butun umr eslab yuraman. Hozircha, bu faoliyatimdagi eng yorqin o'yin.

16-17 yildan beri Rafaning o'yinlarini kuzatib kelayotganimni aytgandim. SHuning uchun, u bilan uchrashishim sinov edi, lekin juda yoqimli. Uchrashuvni yanada shiddatliroq qilganimda juda yaxshi bo'lardi, ammo bu tarix. Bir kuni nevaralarimga "Filipp CHatrie" kortida finalda Rafa bilan o'ynaganimni aytib beraman. Ehtimol, ular: "Voy, rostdan ham?" mi deyishar. Va men "xa" deb javob beraman. Ehtimol, bu lahzadan uzoq vaqt rohatlanaman”.

SHuningdek, u finalning qaysi lahzasi ko'proq esda qolgani haqida javob berdi.

"Ular juda ko'p. Gurunt to'plari har doim esda qolarli bo'ladi va shuning uchun zarbalar ham chiroyli amalga oshirildi.

Kortda diktor Rafaning necha marta turnirda g'olib chiqqanini sanab o'tganida kulgili bo'ldi. Ro'yxat cheksiz bo'lib tuyuldi. U aniq 30 soniya davomida o'qildi.

Billi Jin Kingdan finalchiga beriladigan sovrinni olish ham yoqimli bo'ldi. U sportimiz afsonasi va u bilan uchrashganim yoqimli bo'ldi”, - deya Ruudning so'zlarini keltiradi "Rolan Garros" matbuot xizmati.