Kecha Nottingemda boshlangan bahs bugun yakuniga etkaziladi

Musobaqaning ikkinchi yarim final uchrashuvida franciyalik Karolin Garsiya hamda amerikalik Jenifer Bredi o'zaro to'qnash kelishyapti. Ushbu bahs hal qiluvchi uchinchi setning ettinchi geymidan so'ng to'xtatildi.

Yomg'ir sabab to'xtatilgan uchrashuv bugun yakunlab qo'yiladi Birinchi set 6:4 hisobida Bredi foydasiga hal bo'ldi. Ikkinchi setda Garsiya 6:3 hisobida zafar quchdi. Uchinchi set 4/3 hisobidan davom ettiriladi. Uchrashuv g'olibini Nature Valley Open finalida xorvatiyalik Donna Vekich kutib turibdi.