04 sen 14:19
Yangiliklar

Futbol

Kecha O'zbekiston terma jamoasi safida 8 nafar futbolchi debyut qildi

Xabaringiz bor, kecha O'zbekiston terma jamoasi Toshkentda Tojikiston bilan o'rtoqlik uchrashuvi o'tkazdi.

Mazkur bahsda Vadim Abramov terma jamoada 8 nafar debyutant xizmatidan foydalandi.

Bular Abduvohid Nematov, IbrohimHalil Yuldashev, Husniddin Aliqulov, Akmal Mozgovoy, Iskandar SHoyqulov, SHahzod Ubaydullaev, Hojimat Erkinov va Farrux Ikromov.

SHahzod Ubaydullaev debyut uchrashuvidayoq gol urishga erishdi.

Terma jamoa safida oltinchi uchrashuvida maydonga tushgan himoyachi Murod Xolmuhammedov O'zbekiston terma jamoasi libosidagi dastlabki golini urdi.

Ubaydullaev terma jamoamiz safida gol urgan 95-futbolchiga aylandi. Xolmuhammedov bu borada 96-bo'ldi.

Abduvohid Nematov O'zbekiston terma jamoasi darvozasini qo'riqlagan 25-darvozabonga aylandi.