Kechagi oltin medal evaziga Jahon chempionatidagi ishtirokimizni nechanchi o'rinda yakunladik?

Yakkalik musobaqasining so'nggi kuni og'ir vazn toifasida g'olib va sovrindorlar aniqlandi. Biz uchun ahamiyatlisi, -100 kg vazn toifasida yurtimiz sharafini himoya qilgan Muhammadsodiq Sodiqov barcha raqiblarini mag'lubiyatga uchratib, jahon chempioniga aylandi. U hal qiluvchi final bahsida yaponiyalik dzyudochini vazari bahosi evaziga taslim etdi. 

SHu tariqa, O'zbekiston yoshlar terma jamoasi 1 ta oltin, 3 ta bronza medali bilan 67 davlat orasida umumjamoa hisobida 4-o'rinni egalladi. Murodil Murodillaev, Mardon Ravshanov va Alisher Samanov terma jamoamizga bronza medallarini taqdim etishdi.

Medallar jamg'arish bo'yicha Yaponiya terma jamoasi juda katta ustunlik bilan mutlaq etakchi bo'ldi. Dzyudo vatani vakillari 6 ta oltin, 5 ta kumush, 2 ta bronza medalini qo'lga kiritishdi. Bitta oltin, 2 ta kumush medalga ega Xitoy terma jamoasi ikkinchi o'rinda qoldi. Kuchli uchlikka franciyalik dzyudochilar 1 ta oltin, 1 ta kumush, 1 ta bronza medali bilan yakun yasashdi. 

Bizdan keyingi o'rinlarni Koreya Respublikasi, Gruziya, Avstriya, Kolumbiya, Ozarbayjon, Germaniya, Italiya va Tojikiston terma jamoalari band etishdi. Jami 21 davlat terma jamoalari Tojikistondan kamida 1 tadan bronza medali bilan qaytadigan bo'lishdi. Sakkiz davlat oltin medalga ega chiqdi.