15 iyu 13:08
Yangiliklar

Tennis

Kerber "Uimbldon"dan bitta Superligamiz klubining bir yillik byudjetini ishlab oldi

Xabar berganimizdek, kecha Anjelik Kerber "Katta Dubulg'a" turkumiga kiruvchi Uimbldon turnirida bosh mukofotni qo'lga kiritgan edi.

Germaniyalik tennis malikasi Londondagi ikki haftalik muvaffaqiyatli ishtiroki uchun roppa-rosa 2000 reyting ochkosi hamda 2 million 250 000 funt sterling ishlab oldi. Bu uning faoliyatidagi uchinchi "Katta Dubulg'a" sovrini edi.

Kerber final uchrashuvida nomdor raqibasini 6:3, 6:3 hisobida mag'lub etgandi. Lekin o'zaro uchrashuvlarda hamon hozirda dunyo reytingida 181-o'rinni egallab turgan Serena Uilyams oldinda - 6:3!