Keyrush Italiya yig'iniga chaqirilgan 25 nafar futbolchi nomini elon qildi

JCH-2018 3-saralash bosqichidagi raqib – Eron terma jamoasi saralashning ilk o'yinlariga tayyorgarliknining so'nggi bosqichini boshladi. Karlush Keyrush jamosi Qatar hamda Xitoy terma jamoalariga qarshi o'yinlarga Italiyadagi yig'in orqali tayyorgarlik ko'radi. Eron terma jamoasi ustozi Italiyaga jo'nab ketish oldidan Tehrondagi "Ozodiy" stadioni anjumanlar zalida OAV vakillari bilan uchrashdi va Italiya yig'iniga jalb etilgan 25 nafar futbolchi nomini elon qildi.

Aynan Italiyadagi yig'indan so'ng Eron terma jamoasi bosh murabbiyi Qatar hamda Xitoyga qarshi o'yinlar uchun yakuniy tarkibni saralab olishini malum qildi.

Eslatib o'tamiz, Eron terma jamoasi JCH-2018 so'nggi saralash bosqichini 1 sentyabr kuni o'z maydonida Qatar terma jamoasiga qarshi o'yin bilan boshlaydi. O'zbekiston milliy terma jamoasi ham saralash bahslarini 1 sentyabr kuni o'z maydonida Suriyaga qarshi o'yin bilan boshlaydi.

Eron terma jamoasining Italiyadagi yig'iniga chaqirilgan futbolchilar ro'yxati:

Darvozabonlar: Alirizo Bayranvand, Muhammadrizo Axboriy, Rashid Mozohiriy.

Himoyachilar: Sayid Jalol Hussayniy, Pejman Montaziriy, Murtazo Purali Ganjiy, Muhammad Toyibiy, Ehson Hojisofiy, Ramin Rizoyon, Purya G'ofuriy, Sayid Og'oiy va Muhammad Ansoriy.

Yarim himoyachilar: Andranik Teymuryan, Kamol Kamyobiniya, Dariush SHojaiyan, Umid Ibrohimiy, Izzatulloh Purg'oz.

Hujumchilar: Ashkan Dejaga, Rahim Zavihiy, Mehdi Turobiy, Vohid Amiriy, Mehdi Tarumiy, Ehson Pahlovon, Surush Rofeiy, Murtazo Tabriziy.