19 avg 07:27
Yangiliklar

Tennis

Kiz - Western & Southern Open chempioni!

AQSHning Cincinnati shahrida tennis bo'yicha “Premer” toifasiga kiruvchi nufuzli turnir o'z yakuniga etdi.

Hal qiluvchi final uchrashuvida sayyoramizning 18-raketkasi, amerikalik Medison Kiz reytingning 153-pog'onasidan joy olib turgan rossiyalik Svetlana Kuznecovaga qarshi kortga chiqdi.

Kiz 1 soatu 44 daqiqa davom etgan bahs yakunida turnir kashfiyotiga aylangan tajribali raqibasini 7/5, 7/6(5) hisobida mag'lubiyatga uchratdi. Medison 13 ta eys zarbasini yo'llashga muvaffaq bo'ldi.

Western & Southern Open turniridagi muvaffaqiyatli ishtirok Medison Kizga 900 reyting ochkosi hamda 544 500 dollar mukofot pulini taqdim etdi. Kuznecova esa 269 576 dollar hamda 585 ochkoga ega bo'ldi. Rossiyalik tennischi bugun elon qilinadigan reytingda Top-60ga kirib oladi.