Klopp “Liverpul”ning mag'lubiyatidan so'ng nimalar dedi?

“Rianning penaltini amalga oshira olmagani bu u qandaydir bosim ostida qoladi degani emas. Xatolar uchun kimnidir aybdor deb hisoblash lozim bo'lsa, bu menman. Uning zarba yo'llashini men istagan edim. U bu kabi ishlarni amalga oshirishga usta edi. Ammo bugun o'ylagan maqsadini amalga oshira olmadi. Hayotda va futbold bu taxlit ishlar ro'y berib turadi.

Biz barchamiz mag'lubiyatga ko'nikishni o'rganishimiz, unda xulosalar chiqarishimiz lozim. Agar o'sha vaziyatda u gol urib, boshqa bir kimdir adashganida ham shunday holat ro'y berishi mumkin edi. Hech kim xatodan holi emas. Men Rianning hech qachon 11-metrlik zarbadan adashganini ko'rmagandim. Ammo bu safar mana shu ish sodir bo'ldi”, deya Kloppning so'zlaridan iqtibos keltirmoqda Goal.

Angliya Superkubogi uchun kechgan bahsda “Arsenal” “Liverpul”dan ustun keldi. “Uembli” stadionida kechgan bellashuv 1:1 hisobida yakunlandi. Penaltilar seriyasida esa “to'pchilar” omadliroq (5:4) chiqishdi va o'z tarixida 16-bor ushbu sovringa ega chiqishdi.

Penaltilar seriyasida omad “Arsenal” futbolchilari tomonida bo'ldi. “Qizillar” safida esa Rian Bruster 11-metrlik zarbani golga aylantira olmadi va yakunda uning jamoasi mag'lub bo'ldi.