Klublar o'rtasidagi Jahon chempionati. Bugun final

Unda Evropa chempioni Madridning “Real” klubi Yaponiya chempioni “Kashima Antlers”ga qarshi maydonga tushadi. Bahs Yokogama shahridagi “Yokogama” stadionida bo'lib o'tadi.

FINAL

“Real Madrid” (Ispaniya) – “Kashima Antlers” (Yaponiya)

18 dekabr 2016. Yokogama. “Yokogama Interneyshnl” stadioni. 15:30 (Toshkent vaqti)

Hakamlar: Janni Sikazve (Zambiya), Marva Range (Keniya), Jerson Dos Santos (Angola), Viktor Kashshai (Vengriya)

3-o'rin uchun o'yin

“Amerika” (Meksika) – “Atletiko Nasional” (Kolumbiya)

18 dekabr 2016. Yokogama. “Yokogama Interneyshnl” stadioni. 12:00 (Toshkent vaqti)

Hakamlar: Navaf SHukrulla (Bahrayn), Yosir Tulefat (Bahrayn), Tolib Al Marri (Qatar), Abdulqodir Zituni (Franciya Polineziyasi)

“Real” bosh murabbiyi Zinedin Zidan:

- Bu musobaqa biz uchun juda muhim. Yaponiyaga g'olib bo'lish uchun keldik, eng yaxshi o'yinimizni ko'rsatishga urinayapmiz. O'yin qiyin bo'ladi, “Kashima” bizga muammolar yaratadi, bunga tayyormiz. Balki, birinchi o'yinni uzoq parvozdan so'ng charchoq, iqlimga moslashish va maydonga ko'nikish tufayli yaxshi o'tkazmagandirmiz. “Amerika”ga qarshi yarim final bahsda ko'p kuch yo'qotdik, ammo finalga tayyormiz.

“Real” sardori Serxio Ramos:

- Har safar sovrin yutish imkoniyati tug'ilganida yangi narsaga to'qnash kelasan. Ko'plab g'alabalarga qaramay har yili barchasini yangitdan boshlayman. Men - sardorman, g'alaba qozonsak sovrinni boshim uzra ko'taraman. Bundan faxrlanaman. Ko'plab sovrinlarni ko'tarishni orzu qilaman. Finalda g'olib bo'lib chempion bo'lishni istayman.