Kobe Brayant uchgan vertolyotning qulash sababi malum bo'ldi

Tergovchilarning fikriga ko'ra, vertolyotning qulashiga  uchuvchining fazoviy yo'nalishni ololmagani sabab bo'lgan.

Ara Zobayan vizual parvoz qoidalariga ko'ra uchgan. Bu shuni anglatadiki, uchuvchi parvoz davomida atrofni ko'rishi kerak edi. Ammo, u aniq standartlarni buzgan holda bulutlar orasidan uchib o'tgan.

Eslatib o'tamiz, NBAning besh karra chempioni Kobe Brayant va uning 13 yoshli qizi Janna 2020 yil 26 yanvarda Kaliforniya shtatining Kalabasas shahrida vertolyot qulashi natijasida halok bo'lishgan edi.

Baxtsiz hodisa oqibatida  uchuvchi va vertolyotda bo'lgan yana to'qqiz kishi ham vafot etgan.