“Ko'ngilli sportchilar” guruhi tabiiy ofat oqibatlarini bartaraf etishga ko'maklashmoqda + FOTO

Tabiiy ofat oqibatlarini bartaraf etish yo'lida Buxoro viloyatida nafaqat mahalliy aholi, balki mamlakatimizning turli hududlaridan kelgan ko'ngillilar ham bir tanu bir jon bo'lib mehnat qilmoqda.

Jismoniy tarbiya va sport vazirligi tashabbusi bilan buxorolik 150 nafar sportchi va trenerlardan tashkil topgan “Ko'ngilli sportchilar” guruhi ham tabiiy ofatdan eng ko'p jabr ko'rgan Buxoro viloyatining Olot hamda Qorako'l tumanlaridagi mahalliy aholining turar joylari, shuningdek jismoniy tarbiya va sport inshootlarini tamirlash ishlariga yaqindan ko'maklashmoqda. Jismoniy tarbiya va sport vaziri o'rinbosari Nodir Murotov ham shu kunlarda Buxoro viloyatida bo'lib turibdi va mazkur jarayonning qanday borayotganini nazorat qilib bormoqda.

Bu jarayonda “Ko'ngilli sportchilar” guruhi azolari karantin qoidalariga qatiy amal qilib, yurtdoshlarimizning og'irini engil qilishga o'z hissalarini qo'shmoqda.

“Ko'ngilli sportchilar” guruhi tomonidan bu kabi ezgu ishlar tabiiy ofatlar oqibati to'liq bartaraf etilguncha davom etadi.