11 avg 12:29
Yangiliklar
Ot Sporti
Konkurchilarimiz Millatlar ligasining final bosqichiga yo'l olishdi
Moskva shahrida ot sportining konkur yo'nalishi bo'yicha Evrosiyo ligasi Millatlar kubogining 4-bosqichi o'z yakuniga etdi.
Unda ishtirok etgan jamoamiz g'alaba qozonib, final yo'llanmasini qo'lga kiritdi.
Musobaqada MDH davlatlarining eng kuchli 11 mamlakatidan tashrif buyurgan sara chavandozlar ishtirok etishdi. Yakunda yigitlarimiz eng yuqori ko'rsatkich qayd etib, joriy yil Ispaniyaning Barselona shahrida bo'lib o'tadigan Millatlar ligasining final bosqichiga yo'l oldilar.
SHu tariqa, unda dunyoning eng kuchli jamoalari qatorida mamlakatimiz ham ishtirok etish huquqiga ega bo'ldi. Musobaqada yurtimiz sharafini himoya qilgan qahramonlarimizni eslab o'tamiz: Umid Komilov, Nurjan Tuyakbaev, Begzod Qurbonov, Oqil Sobirjonov, Bahromjon Gaziev, Azam Tolboev.
Havola :
Manba : olympic.uz
Fikrlar