28 may 16:16
Yangiliklar

Boks/MMA

Konor bilan bir oqshomda jang qiladigan sobiq UFC chempionining yangi raqibi elon qilindi

Xabaringiz bor, 29 iyun kuni AQSHning Nevada shtati Las-Vegas shahrida UFC 303 raqamli turniri bo'lib o'tadi.

Musobaqa doirasida yarimog'ir vazn toifasida sobiq UFC chempioni, amerikalik Jamal Xill ham oktagonga chiqadi.

Unga o'sha kuni yarimog'ir vazn reytingining oltinchi pog'onasidagi Xalil Rauntri raqiblik qilishi lozim edi. Biroq Rauntrining qon tarkibida taqiqlangan modda topildi va u 2 oy muddatga diskvalifikaciya qilindi.

Tashkilotchilar Jamal ishtirokidagi jangni kardda saqlab qolishdi va unga yangi raqib berishdi. Endilikda Xill 29 iyun kuni Karlos Ulberg bilan jang qiladigan bo'ldi.

Malumot uchun, Jamal Xill faoliyati davomida 14 ta jang o'tkazib, 12 g'alaba va 2 mag'lubiyat qayd etgan. Ulberg esa 11 ta jangda 10 ta g'alabaga erishgan, bitta jangida mag'lubiyatni qabul qilib olgan.