Konor Makgregor 2024 yilning eng yaxshi jangchisi kim ekanini aytdi

Irlandiyalik aralash yakkakurash ustasining so'zlariga ko'ra, yarimog'ir vazn toifasida amaldagi UFC chempioni Aleks Pereyra vazn toifasidan qati nazar joriy yilning eng yaxshi jangchisi ekan.  

"2024 yil Aleks Pereyraning yili bo'ldi. Buni hech kim inkor qila olmaydi. Men Aleksni birinchi o'ringa qo'yaman. O'ylashimcha, u Jon Jonsga etarlicha muammo tug'dira oladi. Uning jang o'tkazish uslubi Jon uchun xavfli hisoblanadi. Jonsning o'zi og'ir vazn uchun yangi jangchi – u Siril Ganga qarshi yaxshi jang o'tkazdi. Lekin hali u og'ir vazn etakchilari sinovida o'tkazgani yo'q. Aleks Jon uchun juda munosib raqib. Men bu jangni ko'rishdan baxtiyor bo'lardim. Kimdir uchinchi chempionlik kamari uchun jang qilishi kerak-ku! O'sha men yoki Aleks bo'ladi", - deya The Schmo nashriga intervyu bergan Konor. 

Eslatib o'tamiz, Aleks Pereyra yakshanba tongida Solt-Leyk-Siti shahrida o'tgan UFC 307 turnirining markaziy jangida Xalil Rauntrini to'rtinchi raundda texnik nokautga uchratib, o'z chempionlik kamarini uchinchi bor muvaffaqiyatli himoya qilgan edi. SHunga qaramay, u P4P reytingida rossiyalik Islam Maxachevdan o'zib keta olmagandi.