Konor Makgregor Irlandiya prezidenti lavozimiga nomzodini qo'ymoqchi

U o'z hamyurtlarini saylovda unga ovoz berishga chaqirdi.

"2026 yilning 12 iyuniga qadar Irlandiya Evropadagi Migraciya pakti talablarini to'liq bajarishi kerak. Bu shundan dalolat beradiki, ushbu muddatga qadar parlamentning har ikki palatasi bir qancha qonunlarni qabul qilishi, prezident esa ularni imzolashi shart.

Keyingi prezidentlik saylovlari 2025 yil 11 noyabrga qadar o'tkazilishi kerak. Mendan tashqari kim hukumatga qarshi chiqishi mumkin? Ular nomzod qilib ko'rsatmoqchi bo'lgan xech bir shaxs hukumatga qarshi tura olmaydi. Lekin men bunga qodirman!

Prezident sifatida men bu qonun loyihasini referendumga qo'yar edim. Men bu paktga mutlaqo qarshi bo'lsam ham, bu mendan yoki hukumatdan emas, Irlandiya xalqiga tegishli qaror. Va hamisha shunday bo'lgan! Bu haqiqiy demokratiya!

Amaldorlarimiz bu paktni nega jon-dildan qo'llab-quvvatlayotganini eshitish menga qiziq bo'lar edi. Men bahslarni tinglab, undan keyingi ovoz berish jarayonini kuzatishdan mamnun bo'lar edim! Men prezident bo'lganimda, Irlandiyaning kelajagi shunday bo'ladi. Har bir irlandiyalik o'z fikrini bildirish va o'z kelajagini mustaqil belgilash imkoniyatiga ega bo'lishi kerak!

Irlandiya, tanlov senda, va bu tanlov juda oddiy. Menga ovoz ber va biz birgalikda Irlandiyani qutqaramiz!" — deb yozdi Makgregor o'z ijtimoiy tarmoqdagi sahifasida.