Konor Makgregor Xabibga jang uchun 100 mln dollar taklif qildi

Irlandiyalik aralash yakkakurash ustasi bundan olti yil avval faoliyatidagi eng alamli mag'lubiyatini qabul qilib olgandi. O'shanda Xabib Nurmagomedovni Konorni bo'g'ish usulida taslim etgandi. 

"Xotiningni ko'rsat. Farzandlaringni ko'rsat. Hamma jiyanlaringni ko'rsat. CHunki, bizning farzandlar ularni Irlandiyadagi musobaqada ularni yakson qilishmoqchi. Irlandiya va Dog'istonni taqqoslagan payting o'zaro musobaqadagi shu kurashni nazarda tutganmiding? Qani sening dovyuraklaring? Biz ularni ko'rishni sabrsizlik bilan kutyapmiz. Sen aytganlar Dog'istonning eng zo'rlarimi? Dog'iston, bu borada biz qanday fikrdamiz? Bu rostan Xabib aytgandekmi? Sizlardan keyingisi kim bo'ladi? Bo'g'irsoq baribir men bilan jang qilmaydi", - dedi Konor keskin murojaatida.  

"O'zi bu semiz uchun kim jang va raqib belgilaydi? Otasi Abdulmanap aniq bu ishni endi qilmaydi. Dog'istonda buni hamma biladimi? Dog'iston seni qo'rqoq ekaningni biladi. Boisi, sen nafaqaga chiqmagansan, qochib ketgansan. Haqiqiy Dog'iston abadiy. Seni dangasa deyishyapti, ustingdan kulishyapti. Men bilan 100 million dollar uchun jang qil va bu pullarni Dog'istondagi o'z qishlog'ingga ber! Lekin sen bu ishni qila olasanmi? Yo'q! CHunki, sen semirib ketgan dangasa qo'rqoqsan!", - deya so'zlariga yakun yasadi Makgregor. 

Dog'iston va Irlandiya o'rtasidagi dahanaki jang Usman Nurmagomedovning o'tgan hafta irlandiyalik Pol Xyuzga qarshi jangidan keyin avj olgandi. Usman Bellator kamarini muvaffaqiyatli himoya qilganidan keyin Xabib Polni Dog'istonga taklif qilgandi. Bu holat Konor Makgregorni g'ashiga tekkandi.