Konor Makgregorga Islam Maxachevning kamari qiziq emas!

Avvalroq, Maxachev Dastin Porega qarshi o'tkazadigan chempionlik himoya jangidan keyin sentyabr oyida Konor Makgregorga qarshi oktagonga chiqishga tayyorligini malum qilgan edi. Lekin irlandiyalikni engil vazndagi chempionlik kamari qiziqtirmayapti. 

"Men bu chempionlik kamarini qo'lga kiritib bo'lganman. Yana vazn tashlab, kamar uchun jang qilish menga kerakmi? Hozirgi holatda menga ko'proq BMF va yarimo'rta vazndagi chempionlik kamarlari qiziqroq tuyulyapti. O'ylashimcha, UFC rahbarlari meni nomimdagi pullik chempionlik kamari joriy qilishlari kerak. Ular men uchun nimadir o'ylab topishlari lozim. CHunki, bularning bari mening ism-sharifim sabab yuzaga kelgan", - dedi Makgregor. 

Eslatib o'tamiz, ayni paytda yarimo'rta vazndagi UFC chempionlik kamari britaniyalik Leon Edvardsga tegishli bo'lib turibdi. U 27 iyul kuni Manchester shahrida o'tadigan UFC 304 turnirida amerikalik Belal Muhammaddan kamarini himoya qiladi. BMF kamari esa Makgregorning sobiq raqibi Maks Xolloueyning qo'lida. Mak Jastin Getjiga qarshi kechgan dramatik jangda ushbu kamarni qo'lga kiritgandi. 

Konor Makgregorning o'zi esa 29 iyun kuni Las-Vegasda o'tadigan UFC 303 turnirida amerikalik Maykl CHendler bilan hisob-kitob qiladi. Bu irlandiyalik uchun uch yillik tanaffusdan keyingi ilk jang bo'ladi.