Kopa Amerika. Yaponiyaning “bolalari” yulduzli Urugvaydan ochko tortib oldi

Musobaqaga asosan olimpiya yoshidagi futbolchilar bilan tashrif buyurgan Yaponiya terma jamoasi tur shov-shuvlaridan birini qayd etdi. Kunchiqar yurt vakillari 4 ta gol kiritilgan uchrashuvda Urugvay terma jamoasining yulduzli tarkibi bilan 2:2 hisobidagi jangovor durangga imzo chekdi. 

“Samuraylar”ning har ikki goliga mualliflik qilgan Miyoshi Koji uchrashuvning eng yaxshi futbolchisi deb topildi. Guruhning ikkinchi uchrashuvi bugun Ekvador va CHili terma jamoalari o'rtasida bo'lib o'tadi. Hozircha Urugvay 4 ochko bilan guruh peshqadami bo'lib turibdi. CHilida 3, Yaponiyada 1, Ekvadorda 0 ochko bor. 

Kopa Amerika 2019. “S” guruhi

Urugvay – Yaponiya 2:2 (1:1, 1:1)

21 iyun, 04.00. “Gremio Arena”

Gollar: 0:1 – 25 Miyoshi, 1:1 – 32, penalti Suares, 1:2 – 59 Miyoshi, 2:2 – 66 Ximenes.

Urugvay – Muslera, Ximenes, Godin, Kaseres, Bentankur, Laksalt (Gonsales, 28), Torreyra, Nandes (de Arraskaeta, 60), Lodeyro (Valverde, 73), Kavani, Suares.

Yaponiya – Kavashima, Tomiyasu, Ueda, Itakura, Ivata (Tacuta, 87), Miyoshi (Kubo, 83), Nakadzima, Abe (Ueda, 67), Sibasaki, Sugioka, Okazaki.

Ogohlantirishlar: Ueda (31), Nakadzima (78).