Koreyada Butunjahon jang sanatlari festivali davom etmoqda FOTOGALEREYA

Kunning birinchi yarmida erkaklar va ayollar o'rtasida saralash bahslari bo'lib o'tdi. Unda ishtirokchilar shaxsiy hisobda erkin va qurol bilan mashqlarni bajarishdi. Saralash bahslarida ishtirok etgan 64 nafar sportchidan 40 nafari final bosqichiga yo'l oldi. Final musobaqasi 4 sentyabr kuni útkaziladi. 

Kunning ikkinchi yarmida esa dastlab ikki kishilik bellashuvlar o'tkazildi. Unda jami 21 ta juftlik úz mahoratini namoyish qildi. Mazkur musobaqada O'zbekistondan ikkita duet ishtirok etdi.  

Etiborlisi, qizg'in kechgan bahslar yakuniga ko'ra har ikki juftligimiz ham final  bosqichiga chiqdi. Sevinch O'rolova hamda Jahongir Nurmatov dueti 93 000 ball bilan saralash musobaqasini ikkinchi o'rinda yakunladi. 

Zuhra Umrzoqova va Jasur Ahmadjonov juftligi esa 92 333 ball bilan beshinchi bo'ldi. Musobaqada, shuningdek, Xitoy, Filippin, Vetnam, Indoneziya va Malayziyadan jami 10 ta juftlik final bosqichiga chikdi. 

Hal qiluvchi musobaqa 4 sentyabr kuni útkaziladi. Bugun jamoaviy hisobda ham saralash musobaqalari o'tkaziladi. Unda jami 18 jamoa final yo'llanmasi uchun kuch sinashadi. Jamoaviy bahlarda O'zbekiston jamoasi 12 nafar sportchi bilan ishtirok etadi.

SHavkat Jalilov tayyorladi (CHunju, Janubiy Koreya)