21 iyu 12:16
Yangiliklar

Boks/MMA

Kori Sendxagenga yangi raqib berildi + POSTER

Umar Nurmagomedov elkasidan jarohat olgani sababli raqibsiz qolgan Kori Sendxagenning jangi o'z kuchida qoldi.

U 5 avgust kuni Neshvill shahrida o'tkaziladigan UFC on ESPN 50 turniri kardida qoldi. Unga yangi raqib tayinlandi. Divizion reytingida 7-o'rinni egallab turgan amerikalik Rob Font Umar Nurmagomedovning o'rnini egallaydi.

Jang avvaldan belgilangan besh raundlik hamda oqshomning markaziy to'qnashuvi maqomini saqlab qoladi. Aslida Font 19 avgust kuni Bostonda o'tkaziladigan UFC 292 turnirida xitoylik Song Yadongga qarshi oktagonga chiqishi lozim edi.

SHu yilning aprel oyid 36 yoshli Rob Font ketma-ket ikki mag'lubiyatdan so'ng g'alaba qozonishning uddasidan chiqqandi. U birinchi raundda Edrian Yanizni texnik nokautga uchratgandi. Undan avvalgi ikki mag'lubiyatini Joze Aldo va Marlon Veradan qabul qilib olgan edi.

31 yoshli Kori Sendxagen esa ayni paytda reytingning to'rtinchi pog'onasidan joy olgan. Ketma-ket ikkita jangda zafar quchdi. Avvaliga Song Yadongni texnik nokautga uchratdi, keyin esa hakamlarning ayri qarori bilan Marlon Veradan ustun keldi.