Kovington Edvardsga qay tariqa yordam berganini aytdi

"Edvardsning g'alabasidan shokka tushdim. Bunday bo'lishini kutmagandim, biroq bizning sport shunday. Bu ham futbol kabi, bir zarba o'tib ketadi va nimalardir ro'y beradi. Leon jang davomida mag'lub bo'layotgandi, ammo uning bir aniq zarbasi o'tdi. Usman oyog'ini pedaldan olib xato qildi, natijada bunga tovon to'ladi.

SHubhasiz, Usmanga men ham tasir o'tkazdim. Uning jag'i endi avvalgidek emas, uni men kuchsizlashtirib qo'ydim. Uning boshiga zarba berib, taym-aut olishiga majbur qildim", - dedi yarimo'rta vazn jangchisi Kolbi Kovington.

Eslatib o'tamiz, Kovington va Usman o'zaro ikki marta jang qilgan. Dastlabkisida Kamaru texnik nokaut, ikkinchisida esa hakamlar qarori evaziga raqibini mag'lubiyatga uchatgandi.