“Kreml Kubogi” SHveycariyaga yo'l oladigan bo'ldi

Hal qiluvchi final uchrashuvida shveycariyalik Belinda Benchich mezbonlar vakilasi Anastasiya Pavlyuchenkovaga qarshi kortga chiqdi. Benchich WTA reytingida 10, Pavlyuchenkova esa 40-o'rinni egallab turibdi. 

Belinda 1 soatu 45 daqiqa davom etgan uchrashuvda muxlislar olqishi ostida harakat qilgan raqibasini mag'lub etishning uddasidan chiqdi - 3/6, 6/1, 6/1. 22 yoshli Benchich 8, 28 yashar Pavlyuchenkova esa 5 ta eys zarbani amalga oshirdi. 

O'zaro o'tkazilgan uchrashuvlarda Belinda Benchich endi 4:1 hisobida zafar quchmoqda. “VTB Kreml Kubogi”dagi muvaffaqiyatli ishtirok shveycariyalik tennis malikasiga 180 520 dollar mukofot puli hamda 470 reyting ochkosini taqdim etdi. Bu Belindaning mavsumdagi ikkinchi, faoliyatidagi to'rtinchi sovringa aylandi.