Krishtianu Ronaldu to'rtinchi “Oltin to'p”ini qo'lga kiritdi

Portugaliyalik futbolchi bu bilan o'zining to'rtinchi “Oltin to'p”ini qo'lga kiritdi. 2008, 2013 va 2014 yillarda ham futbolchi bu sovringa ega chiqqan edi.

2016 yilda Ronaldu “Real” safida CHempionlar ligasini, Portugaliya terma jamoasi tarkibida Evro-2016ni yutdi. Ronaodu joriy yilda 55ta o'yinda 51ta gol urdi va 17ta golli pas oshirdi.

Krishtianu Ronaldu uchun 745ta ovoz berildi. “Barselona” klubi va Argentina terma jamoasi hujumchisi Lionel Messiga 316ta.

Uchinchi o'rinni “Atletiko” klubi va Franciya terma jamoasi hujumchisi Antuan Grizmann egalladi - 198 ovoz.

2010-2015 yillarda “Oltin to'p” topshirish huquqi FIFAga tegishli edi. Bu yildan FIFA alohida “Yilning eng yaxshi futbolchisi” sovrinini topshiradi. Bu marosim yanvar oyida bo'lib o'tadi.

“Oltin to'p” uchun berilgan ovozlarga ko'ra futbolchilar quyidagi tartibda joylashtirildi:

1. Krishtianu Ronaldu, Real

2. Lionel Messi, Barselona

3. Antuan Grizmann, Atletiko

4. Luis Suares, Barselona

5. Neymar, Barselona

6. Garet Beyl, Real

7. Riyad Marez, Lester

8. Jeymi Vardi, Lester

9-10. Janluiji Buffon, Yuventus

9-10. Pepe, Real

11. Per-Emerik Obameyang, Borussiya Dortmund

12. Ruy Patrisiu, Sporting

13. Zlatan Ibragimovich, Manchester Yunayted

14-15. Pol Pogba, Manchester Yunayted

14-15. Arturo Vidal, Bavariya

16. Robert Levandovski, Bavariya

17-19. Toni Kroos, Real

17-19. Luka Modrich, Real

17-19. Dimitri Payet, Vest Xem