Kuchli qor bo'roni sabab Manchester derbisi o'tkazilmasligi mumkin

Taqvimga ko'ra ushbu uchrashuv 10 dekabr, yakshanba kuni o'tkazilishi lozim. Ammo ob-havo noqulayligi bois bahs boshqa kunga qoldirilishi mumkin. Ayni paytda Manchesterda kuchli qor yog'moqda. Havo harorati 0 darajani tashkil etmoqda, deya xabar bermoqda Daily Mail nashri.

“Old Trafford” stadioni maydonida isitish tizimi ishlab turibdi. Ammo sovuq tushishi maydon atrofi va o'rindiqlarning muzlashiga olib kelishi mumkin. Agar amalda ham shunday bo'lsa, o'yin boshqa sanaga ko'chiriladi.

Xabarlarga ko'ra, Liverpul shahrida ham kuchli qor bo'roni kuzatilmoqda. 10 dekabr kuni ushbu shaharning ikki jamoasi “Liverpul” va “Everton” ham o'zaro hisob-kitob qilishlari lozim.