Kun xabari. Sambo olimpiya sport turi sifatida tan olindi

Yig'ilishning ilk kuni sambo sport turi uchun tarixiy qaror qabul qilindi. Unga ko'ra, xalqaro sambo federaciyasi (FIAS) Olimpiya xartiyasining 25-bandiga binoan vaqtinchalik olimpiya sport turi etirof etildi. Vaqtinchalik muddat 3 yilni o'z ichiga oladi. 

Xalqaro olimpiya qo'mitasi prezidenti Tomas Bax ushbu rasmiy xabar hamda tabriknomani xalqaro sambo federaciyasi ofisiga jo'natgan. 

– Bugun butun dunyo sambosi uchun tarixiy sana. Butunjahon sambochilarining orzulari ushalgan kun. Sambo Xalqaro olimpiya qo'mitasi tomonidan tan olindi. Bu yangi yil bayrami oldidan sambochilar uchun ajoyib sovg'a bo'ldi. Bundan ikki hafta avval samboning 80-yilligi keng nishonlangandi. Bugun esa nihoyat sambo etirofga sazovor bo'ldi, - dedi xalqaro sambo federaciyasi prezidenti Vasiliy SHestakov.

Malumot uchun, sambo bo'yicha birinchi jahon chempionati 1973 yili Eron poytaxti Tehron shahrida bo'lib o'tgan va unda 11 davlat sportchilari ishtirok etgan edi. Sochida o'tgan hozircha so'nggi jahon chempionatida esa sayyoramizning beshta qitasidan 90ta davlat sambochilari medallar uchun kurash olib borishgan.