Kurash bo'yicha O'zbekiston terma jamoasi jahon chempionatida 72 ta medal bilan birinchi o'rinni egalladi

CHempionatning ikkinchi kunida 16-17 yoshlilar 18 ta vazn toifasida sovrinli o'rinlarga davogarlik qildi. Yigirmadan ortiq davlatning 150 nafardan ziyod yosh sportchilari ishtirokidagi bahslar sarhisobiga ko'ra, O'zbekiston yoshlar terma jamoasi 32 ta (14 ta oltin, 13 ta kumush va 5 ta bronza) medalni qo'lga kiritdi.

Faxriylar o'rtasida o'tgan jahon chempionatida mamlakatimizning faxriy polvonlari 4 ta oltin, 5 ta kumush, 1 ta bronza medaliga egalik qildi.

Jahon chempionatining natijalariga ko'ra, 30 ta oltin, 30 ta kumush va 12 ta bronza medaliga egalik qilgan O'zbekiston terma jamoasi umumjamoa hisobida 1-o'rinni egalladi. Mo'g'uliston ikkinchi, Turkmaniston esa uchinchi pog'onani band etdi.

Milliy sportimiz kurashning xalqaro rivojiga munosib hissa qo'shgan terma jamoamiz azolari bugun yurtimizga qaytib kelishdi.