Kutganmidingiz? Rasman: Toshkent-2025 III yoshlar o'rtasidagi Osiyo o'yinlari bekor qilindi!

"III Osiyo yoshlar o'yinlari Baxraynga ko'chirildi. Musobaqa 2025 yilda o'tkaziladi.

Osiyo Olimpiya kengashi O'zbekiston poytaxti Toshkentda o'tkazilishi rejalashtirilgan yoshlar o'rtasidagi III Osiyo o'yinlari bekor qilinganini elon qiladi. 2024 yilning 2 dekabr kuni bo'lib o'tgan Ijroiya kengashi yig'ilishida qabul qilingan qarorga ko'ra, musobaqa endi 2025 yilda Bahrayn tomonidan o'tkaziladi", deyiladi rasmiy xabarda.

Musobaqa bekor qilingani sabablari hozircha aniq emas. Katta ehtimol infratuzilmalar va qurilish ishlari bilan bog'liq holat bo'lishi mumkin. Boisi, har qanday kompleks musobaqa oldidan obektlarni tekshirib olish uchun test rejimidagi turnirlar o'tkaziladi. Osiyo o'yinlariga esa ko'p vaqt qolmagan. 

O'zbekiston Milliy olimpiya qo'mitasidan tez orada rasmiy munosabat kutib qolamiz.