"Kvartira, 250 million va davlat mukofoti". Nodirbek Abdusattorovni taqdirlash marosimi bo'lib o'tdi + FOTO

Bugun, 3 yanvar kuni Milliy olimpiya qo'mitasida shaxmatchilarimizni taqdirlash marosimi tashkil etildi. 

Unda O'zbekiston Respublikasi Prezidenti adminstraciyasi rahbari o'rinbosari - Prezident matbuot kotibi SHerzod Asadov, Prezident maslahatchisi Abdujabbor Abduvohidov, Bosh vazir o'rinbosari - Turizm va sport vaziri Aziz Abduhakimov, shaxmatchilar, OAV xodimlari va boshqalar ishtirok etishdi. 

Tadbir davomida jahon chempioni Nodirbek Abdusattorovga Prezident SHavkat Mirziyoevning tabrigi o'qib eshittirildi va unga "Mard o'g'lon" davlat mukofoti topshirildi. 

SHuningdek, unga Toshkent shahridan ikki xonali uyning kaliti, 250 million so'm taqdim etildi. 

Bundan tashqari, jahon chempionatida ishtirok etgan boshqa shaxmatchilarimiz, Javohir Sindarovga 50 million so'm, SHamsiddin Vohidovga 25 million so'm, Nodirbekning murabbiyi Jahongir Vahidovga 100 million, uning marhum murabbiyi Dmitriy Qayumovning oilasiga 100 million so'm taqdim etildi. 

Tadbirdan olingan suratlarni tomosha qiling.