La Liga qaytdi! Ilk o'yinda "Betis" "Sevilya" qarshisida ojiz qoldi

Uzoq davom etgan pauzadan keyin Pireney yarim oroliga futbol nafasi kirib bordi. Kecha oqshom La Liganing 28-turi doirasida "Sevilya" va "Real Betis" klublari o'zaro to'qnash keldi. "Ramon Sanches Pisxuan" stadionida o'tkazilgan o'yinda mezbonlarning qo'li baland keldi. 

Uchrashuvda hisobni 56-daqiqada Luks Okampos (penaltidan) ochgan bo'lsa, oradan 6 daqiqa o'tganidan keyin "Sevilya" yarim himoyachisi Fernando 2:0 ko'rinishiga keltirib qo'ydi. Hisob o'yin yakuniga qadar o'zgarmadi.

Bu g'alabadan keyin Xulen Lopetegi shogirdalri hisobidagi ochkolar soni 50taga etib, musobaqa jadvalining 3-pog'onasiga yaxshilab joylashib oldi. "Betis" esa 33 ochko bilan (hozircha) 12-o'rinda turibdi.