Lagno jahon toji uchun yaqin, uni bundan bitta g'alaba ajratib turibdi

Jahon chempionatining sovrin jamg'armasi 450 000 AQSH dollarini tashkil qiladi va g'olib shaxmatchi 60 000 dollarga ega bo'ladi. Bugun jahon chempionatining hal qiluvchi final uchrashuvida uchinchi partiya o'ynaladi. Amaldagi jahon chempioni xitoylik Ju Ven Jun bugungi partiya oldidan rossiyalik Katerina Lagnoga 0,5:1,5 hisobida imkoniyatni boy bermoqda. 

Finalning ilk partiyasida durang natija qayd etilgandi. Kecha Lagno oq donalarda harakat qildi va 59-yurishdan keyinoq amaldagi jahon chempionini mag'lub etdi. Bugun uchinchi partiya o'ynaladi. Agar bugun ham Katerina g'alaba qozonsa, muddatidan avval jahon chempioniga aylanadi. 

Final uchrashuvi to'rtta partiyadan iborat bo'lib, jahon chempionligi uchun kamida ikki yarim ochko jamg'arish kerak bo'ladi. Agar 4ta partiyadan keyin hisob 2:2 ko'rinishiga kelib qolsa, u holda jahon toji sohibasini hal qiluvchi tay-brek aniqlab beradi. 

Eslatib o'tamiz, amaldagi jahon chempioni chorak finalda yurtimiz sharafini himoya qilgan vakilamiz Gulruhbegim Tohirjonovani qiyinchilik bilan tay-brekda 1,5:0,5 hisobida taslim eta olgandi.