"Lans" Abduqodir Husanov o'z orzusiga erishishi uchun imkoniyat berdi. Futbolchi Qatarga yo'l oldi

Osiyo kubogi FIFA kunlarida o'tkazilmayotgani sababli klublar o'z futbolchilarini bu musobaqaga qo'yib yuborishga majbur emaslar. Ammo O'zbekistonning barcha legionerlari turnirda ishtirok etishlari taminlandi.

Franciyaning "Lans" klubi himoyachi Abduqodir Husanovni terma jamoa ixtiyoriga qo'yib yuborishga rozi bo'ldi. SHu o'rinda klub futbolchining Olimpiadaga yo'llanma olish va unda ishtirok etish orzusi ushalishi uchun yo'l ochib berganini takidlash lozim. Futbolchi kechagi o'yindan keyin Qatarga yo'l oldi va Vetnam bilan uchrashuvga qadar terma jamoa ixtiyorida bo'ladi. 

Bizdagi malumotlarga ko'ra, "Lans" murabbiylar shtabi aslida Husanovni kechagi "Klermon"ga qarshi bahsda maydonga tushirishni rejalashtirishgandi. Ammo futbolchini 26 va 29 aprel kunlari terma jamoa safida (ehtimoliy 120 daqiqadan) ikkita muhim o'yin kutib turganini hisobga olib, uni zaxirada qoldirishdi.