Lausanne Grand Slam 2026. Bugun og'ir vaznli dzyudochilarimizga muxlislik qilamiz. Ular orasida To'raboev ham bor!

Bugun musobaqaning so'nggi kuni erkaklar o'rtasida -90, -100, +100 kg, ayollarda esa -78, +78 kg vazn toifalarida g'olib va sovrindorlar aniqlanadi. Kun davomida O'zbekiston terma jamoasining 9 nafar dzyudochisiga muxlislik qilamiz. Ular orasida Parij-2024 Olimpiadasi sovrindori, jahon chempioni Muzaffarbek To'raboev ham bor. 

Bugungi saralash bahslari bizning vaqt bilan soat 12:30da boshlanadi. 

Bugun tatamiga chiqadigan dzyudochilarimizning ilk davra bahslari:

-90 kg: Nurbek Murtazoev – Vugar Talibov (Ozarbayjon)/Akaki Japaridze (Gruziya)

-90 kg: Umar Bozorov – Noa Kristians (Belgiya)/Lasse SHreyver (Germaniya)

-100 kg: Ernazar Sarsenbaev – Marat Baykamurov (Qozog'iston)

-100 kg: To'lqinbek Turdiev – Maksims Duinovs (Latviya)

+100 kg: Muzaffarbek To'raboev – Munir Ertug (Turkiya)

QIZLAR

-78 kg: Barchinoy Qodirova – Eliza Vroblevska (Polsha)

-78 kg: Marjona Ko'chimova – Aleksandra Ryabchenko (Rossiya) 

+78 kg: Umida Nig'matova – Aida Toishibekova (Qozog'iston)/Fernanda Kuimbira (Angola)

+78 kg: Irisxon Qurbonboeva – Oksana Dyacenko (Moldova)  

Eslatib o'tamiz, musobaqaning ikki kunlik bellashuvlarida Arslonbek Tojiev (-81 kg) kumush, Samariddin Qo'chqorov (-60 kg) esa bronza medalini qo'lga kiritgan edi.