Layloxon Sobirova nufuzli "Ivan Yarigin" xalqaro turnirida shohsupaga ko'tarildi

Ananaviy tarzda o'tkazib kelinayotgan va nufuzi bo'yicha jahon chempionatidan keyin etirof etiluvchi ushbu musobaqada O'zbekiston ayollar kurashi terma jamoasi qizlari ham muvaffaqiyatli ishtirok etishdi. 

Bir kun avval Parij-2024 Olimpiadasidagi ishtiroki orqali to'rt yillikning eng nufuzli musobaqasida qatnashgan ilk o'zbek kurashchi qiziga aylangan Aktenge Keunimjaeva bronza medaliga ega chiqqandi. Kecha esa -57 kg vazndagi terma jamoamiz vakilasi Layloxon Sobirova final bellashuvida rossiyayalik kurashchiga qarshi gilamga chiqdi va kumush medalga sazovor bo'ldi.