01 may 10:32
Yangiliklar

Formula-1

Lekler, Albon va "Milan" futbolchisi virtual poygada startga chiqadi

Formula-1 chempionati doirasidagi Braziliya Gran-prisi virtual tarzda o'tkaziladi.

Ushbu poyga real holatdagi Niderlandiya Gran-prisi o'tkaziladigan sanalarda tashkil etiladi. "Ferrari" piloti SHarl Lekler virtual turnirdagi o'zining ketma-ket uchinchi chempionligini qo'lga kiritish uchun urinib ko'radi.

Kelayotgan yakshanba kuni Interlagos trassasida o'tkaziluvchi Braziliya Gran-prisida Leklerdan tashqari Aleks Albon (Red Bull), Antonio Jovinacci (Alfa Romeo), Jorj Rassell va Nikolas Latifi (ikkisi ham - Uilyams) startga chiqadi.

Bundan tashqari, virtual Gran-pri poygasida qatnashish istagini futbolchilardan "Milan" klubi himoyachisi Alessio Romanoli, britaniyalik kriketchi Styuart Brod va Ben Stouks, norvegiyalik ralli chempioni Petter Solberglar ham bildirgan.