Leo Messi Argentina terma jamoasidagi faoliyatini yakunlaganini elon qildi

"Uzoq o'ylanganimdan so'ng, hammaga shuni malum qilmoqchimanki, men milliy terma jamoadagi faoliyatimni yakunlayapman... Bu og'riqli qaror, lekin hozir eng to'g'ri vaqt ekanligini tushunib etdim. Qasam ichamanki, men har doim bor kuchimni berganman, nafaqat biz hamma narsani yutgan so'nggi yillarda, balki undan oldin ham. Har doim kurashganman va bu libos uchun borimni berganman, sizlarga quvonch ulashish va futbol orqali argentinalik ekanligingizdan faxrlanishingizni taminlash uchun harakat qilganman. Vaqt oz qoldi, kitob boblari yopilmoqda va so'nggi bob menga qattiq og'riq beryapti. Men milliy terma jamoada bo'lishni yaxshi ko'rardim, yaxshi ko'raman va doim shunday bo'lib qoladi. Bor kuchimni berdim; endi beradigan hech narsam qolmadi, qolaversa, ortimdan juda iqtidorli yosh o'yinchilar kelmoqda, ular u erda bo'lishga loyiq. Bu 20 yil davomidagi barcha muhabbat uchun rahmat.

Oila azolarimga har doim yonimda bo'lganlari, bu go'zal, ammo qiyin yo'lda hamrohlik qilganlari uchun rahmat. Men bilan birga bo'lgan har bir murabbiy, jamoadosh va menejerlarga tashakkur. Men o'zim bilan unutilmas xotiralar va lahzalarni olib ketyapman. Sizlarga va jamoadoshlarimga ertaknamo lahzalarni hadya etganimdan xotirjamlik va g'urur tuyg'usi bilan ketyapman. Bularning barchasini sizlar bilan birga boshdan kechirish aql bovar qilmas edi.

Sizlarni yaxshi ko'raman! Meni argentinalik qilganing uchun senga rahmat, Xudoyim. Olg'a, Argentina!

Bu so'zlarni 21 iyul kuni, finaldan ikki kun o'tib yozgan edim. Otam bilan sodir bo'lgan voqeadan keyin esa, bunga yanada ko'proq amin bo'ldim", — deb yozdi Messi o'zining ijtimoiy tarmoqdagi sahifasida.

Malumot uchun, Messi Argentina terma jamoasi tarkibida 2022 yilgi jahon chempioni, 2021 va 2024 yilgi Amerika kubogi sohibi, 2022 yilgi Finalissima g'olibi hamda 2008 yilgi Olimpiada chempioni bo'lgan.

Hammasi uchun rahmat, LEO!