Leon Edvards - Kolbi Kovington chempionlik bahsiga zaxira jangchisi tayinlandi

Turnirning markaziy jangi yarim o'rta vazn toifasida britaniyalik chempion Leon Edvards hamda amerikalik davogar Kolbi Kovington o'rtasida kechadi. Yana bir AQSH vakili Belal Muhammad ushbu titul jangida zaxira jangchisi bo'ladi. Bu haqda Muhammadning o'zi MMA Junkie nashri bilan suhbatda malum qildi.

Eslatib o'tamiz, Leon Edvards so'nggi jangini 2023 yil mart oyida Kamaru Usmanga qarshi o'tkazib, ochkolar hisobiga ko'ra g'alaba qozongandi. Uning hisobida 21 g'alaba va 3 ta mag'lubiyat bor.

Kovington esa 2022 yilning mart oyida Xorxe Masvidalga qarshi jang qilib, ochkolar hisobiga ko'ra zafar quchgan edi. Uning hisobida 17 ta g'alaba va 3 ta mag'lubiyat bor.