Levandovski "Barselona"ga o'tadi, klublar kelishuvga erishdi

Manbaning xabariga ko'ra, Myunxen jamoasi va kataloniyaliklar allaqachon kelishib olishgan, faqatgina hujjatlarni rasmiylashtirish qolmoqda. Transfer yaqin vaqt ichida amal oshishi kutilmoqda. Polshalik futbolchi "Barselona" bilan keyingi uch mavsum uchun shartnoma imzolaydi.

Eslatib o'tamiz, avvalroq Robert Levandovski "Barsa"ga o'tish istagini ochiq aytgandi. Robert Levandovski 2014/2015 yilgi mavsumdan beri "Bavariya" sharafini himoya qilib kelmoqda. Bu vaqt ichida u 375 uchrashuvda 344 ta gol urgan.