"Lokomotiv" futbolchisi 4ta o'yinga diskvalifikaciya qilindi va 10 million so'm jarimaga tortildi

31 mart kuni Superliganing 4-turi doirasida AGMK hamda “Lokomotiv” klublari o'zaro to'qnash kelgandi. Mezbonlarning 1:0 hisobidagi g'alabasi bilan yakuniga etgan uchrashuvning hakam tomonidan qo'shib berilgan daqiqalarida har ikki jamoa futbolchilari o'rtasida janjal kelib chiqqan.

O'FA Tartib-intizom qo'mitasi mazkur uchrashuvni o'rganib chiqdi. Ishni o'rganish jarayonida uchrashuv referisi Akobirxo'ja SHukurillaevning yozma arizasi hamda bergan ko'rsatmalari, AGMK — “Lokomotiv” o'yinining “Sport” telekanalidagi translyaciyasi hamda AGMK futbol klubi tomonidan PFLga taqdim etilgan uchrashuv videosidan foydalanildi. SHuningdek, PFL komissari bo'lib o'tgan voqea yuzasidan o'z ko'rsatmasini berdi.

O'FA Tartib-intizom qo'mitasi “Lokomotiv” futbolchisi Ikrom Aliboevni jamoasi ishtirokidagi 4 ta o'yindan diskvalifikaciya qildi. Endilikda u “Qo'qon-1912”, “Nasaf”, “So'g'diyona” va “Bunyodkor” klublariga qarshi 5-6-7-8-tur o'yinlarida jamoasiga yordam bera olmaydi. Tajovuzkor hatti-harakati uchun AGMK bilan o'yinning 94-daqiqasida maydondan chetlatilgan Aliboevga, shuningdek, 10 million so'm jarima ham solindi.

Komissiya azolari mazkur holat uchun faqatgina Ikrom Aliboevning o'zi aybdor emas degan qarorga keldi. Boisi, janjalda har ikki klub vakillari ham ishtirok etgan. SHundan kelib chiqib, qo'mita Tartib-intizom kodeksining 2-bob 5.36 bandiga asosan AGMK va “Lokomotiv” klublarini 25 million so'mdan jarimaga tortdi.

Ogohlantirish

O'zbekiston Professional futbol ligasining 2018 yil 12 mart kungi 35-sonli buyrug'iga muvofiq Superliga futbol klublari murabbiylari keng ommaning etiborida bo'lishi hisobga olinib, ular o'yindan oldin, o'yin vaqtida va undan keyingi rasmiy marosimlarda rasmiy kiyimda (kostyum, shimda va galstuk taqqan holda) bo'lishlarini taminlash belgilab qo'yilgan hamda klublar rahbariyati bu borada yozma ravishda xabardor qilingandi.

Superliganing 4-turidan o'rin olgan AGMK — “Lokomotiv” o'yinida musobaqani o'tkazish uchun masul tashkilot yuqorida belgilab bergan tartibning buzilishi holati kuzatildi. Superliga klublari bosh murabbiylari yuqoridagi topshiriqni bajardi, biroq “Lokomotiv” klubi murabbiylari 3-turda mazkur topshiriqqa etibor qaratib, 4-turda yana o'zi bilganicha ish tutdi.

PFL tomonidan belgilab berilgan talabning buzilishi hisobga olinib, O'FAning Tartib-intizom kodeksining 4-bob, 5.57 bandiga asosan “Lokomotiv” futbol klubi yozma ravishda ogohlantirildi. Bunday hol qayta takrorlansa, jamoaga moddiy jarima solinadi.