London Chess Classic 2025. Qoch, Nodirbek kelyapti. Abdusattorovda ketma-ket oltinchi g'alaba!

Mukofot jamg'armasi 50 000 funt sterlingni tashkil etuvchi ushbu nufuzli musobaqada dunyoning ko'zga ko'ringan 10 nafar shaxmatchisi qatori yosh grossmeysterimiz Nodirbek Abdusattorov ham muvaffaqiyatli odimlamoqda. Birinchi turda britaniyalik grossmeyster Gavayin Jons bilan durang o'ynagan hamyurtimiz ketma-ket oltita g'alabaga erishdi. 

Abdusattorov ikkinchi turda oq donalarda AQSH sharafini himoya qilayotgan hindistonlik Mishra Abhimanyuni, uchinchi turda qora donalarda Angliya sharafini himoya qilayotgan rossiyalik grossmeyster Nikita Vityugovni, to'rtinchi turda 54 yoshli Buyuk Britaniyalik chempioni Maykl Adamsni, beshinchi turda qora donalarda AQSH chempioni Sem SHenklendni mag'lubiyatga uchratgandi. 

Kecha tunda o'tkazilgan 7-turda Abdusattorov oq donalarda angliyalik grossmeyster Lyuk Maksheynni taslim etdi. Ketma-ket oltita g'alabadan keyin Nodirbek turnir jadvalida 6,5 ochko bilan yakka peshqadamlikni davom ettirmoqda. Ettinchi turda faqat hamyurtimiz g'alaba qozondi, qolgan barcha partiyalar durang natija bilan yakunlandi. 

Abdusattorov eng yaqin taqibchisi turnirda birinchi raqam ostida tasniflangan franciyalik Alireza Firuzdjani endi 2 ochkoga ortda qoldirmoqda va qizig'i, ertaga 8-turda ular o'zaro to'qnash kelishadi. Kamida durang natija Nodirbek Abdusattorovni muddatidan avval London Chess Classic 2025 chempioniga aylantiradi. 

Bugun London Chess Classic 2025 turnirida dam olish kuni sifatida elon qilingan.