Londondagi UFC turnirining asosiy jangi elon qilindi

Tashkilotchilar 22 mart kungi oqshomning markaziy jangini elon qilishdi. Yarimo'rta vaznda sobiq UFC chempioni Leon Edvards UFC Fight Night 255 turnirida o'z muxlislari ko'z o'ngida jang o'tkazadi. Britaniyalik aralash yakkakurash ustasi shu kuni divizion reytingining to'rtinchi pog'onasida borayotgan avstraliyalik Jek Della Maddalenaga qarshi oktagonga chiqadi. 

O'tgan yilning iyul oyida Leon Edvards Manchesterda o'tgan UFC 304 turnirida amerikalik Belal Muhammadga ochkolar hisobiga ko'ra yutqazib, kamarini boy bergandi. Ungacha "Rokki" uchta chempionlik jangida g'alaba qozongandi. Kamaru Usmanni ikki bor mag'lub etib, uchinchi jangda Kolbi Kovingtondan ustun kelgan edi.

Jek Della Maddalena esa o'tgan yilning mart oyida UFC ligasidagi g'alabali seriyasini etti jangga etkazgandiyu O'shanda u uchinchi raundda chempionlik kamari uchun sobiq davogar Gilbert Bernsni taslim etgandi.