Bu haqida Kataloniya klubi rasmiy sayti xabar berdi.
Forvard "Betis"ga qarshi bo'lib o'tgan Ispaniya chempionati 28-tur o'yinining 90-daqiqasida jarohat tufayli maydonni tark etgan edi. Luis chap oyog'ini qayirib oldi va yiqilib tushdi.
SHunday qilib Suares Urugvay terma jamoasining O'zbekistonga qarshi bo'ladigan uchrashuvida ishtirok etmaydi va Kataloniya klubi tibbiy shtabi nazoratida bo'ladi.
Eslatib o'tamiz, 21-25 mart kunlari Xitoyning Guansi shahrida "China Cup-2019" turniri bo'lib o'tadi. Unda O'zbekiston, Xitoy, Urugvay va Tailand terma jamoalari ishtirok etishadi. O'zbekiston yarim finalni 22 mart kuni Urugvay terma jamoasiga qarshi o'tkazadi. Xitoy esa 21 mart kuni Tailand bilan kuch sinashadi. Yarim finalda g'olib chiqqan jamoalar 25 mart kuni finalda o'zaro to'qnash kelishadi. SHuningdek, yarim finalda mag'lubiyatga uchragan jamoalar 25 mart kuni 3-o'rin uchun bahsda maydonga tushishadi.
Fikrlar